L’ ink
Tengah peuting kuring nyaring
Bari disalimbut ku samping
Hariring kuring kunaon teuing
Tengah poe kuring sare
Tapi henteu diparende
Duit hese dagang rehe
Eweuh gawe dugi ka sore
Belah kulon hibar layung
Ngajak muji ka hyang agung
Ulah bingung bisa kapahung
Siga lutung anu kasarung
Kamarana,
Gaang katincak, jangkrik kapencet
Bueuk oge hoream enteup
Da geus puguh beurang lolong
Peuting kai geus arompong
Lalai anu lalawora
Ngagarantung dina dahan kaung
Suku diluhur hulu dihandap
Teu boga hate meulang kapaur
Rasa waas
Ngan saukur nempo jero kendi
Poek kabina eweuh hartina
Papatah nini aki teu dipalire deui
Pamali geus teu katepi
Arek ngomong hese pokna
Anu kolot kamarana
Budak ngora geus kacida
Dosa kabina-bina
Budak lalaki zaman kiamat
Ka kulon lain ka kiblat
Ngawaro soteh ka urang barat
Jadi poho kana sakarat
Budak awewe kabawa bingung
Siga maung turun gunung
Dibaju calana buntung
Dikabaya teu make tiung
Ih nurus tunjung
Kamana batur kamana
Kamarana anu saagama
Kabarawa kusakaba-kaba
Mawa naon ka alam baka
Tidak ada komentar:
Posting Komentar
Mari kita ledakan dunia ini dengan kebahagiaan!